السؤال غير واضح ماوضحت سعر الشراء و الكمية…

لكن خلينا نقول ان سعر الشراء 11 دولار وانت شريت 50 سهم/عملة ،وحطيت وقفك على 10دولار على اساس لو نزل لها السعر تخسر 50 دولار 

لو نزل السعر من 11 ل 9 دولار بفجوة مثلا ،راح تكون الخسارة غير المحققه هي 100 دولار ،لان الفجوه تعني انه مافيه تداول على هذي الاسعار و بالتالي اقرب سعر تقدر تبيع فيه هو 9 بخسارة 2 دولار في السهم الواحد

حياك الله 

استراتيجية تقاطعات الماكدي ومتوسط 200 اسي هي من افضل الاستراتيجيات وتم اختبارها ونتائجها ممتازة ،مانقدر نقول عن اي استراتيجية هي افضل استراتيجية على الاطلاق لان يمكن يتغير اداء اي استراتيجية من سوق لآخر او من فريم لآخر ولكن استراتيجية الماكدي عموما نسبة نجاحها بالمقارنة مع نسبة المخاطرة للعائد وربحيتها بالمقارنة بالمخاطرة جيدة بشكل عام في مختلف الاسواق بالاضافة الى بساطتها وقوة اشاراتها مع احتوائها على ادارة مخاطر يمكن للمتداول الالتزام بها في التداول وهذا هو الاهم.

بالنسبة للاختبارات التي يتم عملها في القناة في اليوتيوب، بنحاول نوجد طريقة لجعل المقارنة ممكنة بين الاستراتيجيات بالاختبار على نفس السوق، في الغالب شركة AAPL على نفس الفريم 1 ساعة وبالتالي الحصول على نتائج يمكن مقارنتها.

عليكم السلام 
سؤال جيد ،بالنسبة لهذا السلوك ،نعم موجود في سوق الاسهم او غيره بحيث ممكن لو كانت الصفقه مستمرة لليوم الي بعده ممكن يفتح السوق على فجوه عكسية وممكن تتعدى وقف خسارتك ، طيب ايش العمل؟
اولا هذا السلوك غير متكرر بشكل كبير (نعم في الاسهم يوجد فجوات كثيرة ولكن مابتكون كبيرة مثل الكريبتو مثلا ولكنها موجودة وممكن تحصل في اي وقت ولكنها تكثر وقت افتتاح الجلسات )،لكنها مابتصير كل يوم بمعنى انه مو كل يوم راح يفتح السوق بهذا الشكل و بالتالي حتى لو ادى لخسارة غير محسوبة الا انه في الغالب تقدر تعوضها بما انك ملتزم بادارة المخاطر وبالتحديد مبلغ الدخول ونسبة المخاطرة.
ثاني شي انا مثلا لو صار معي كذا وكانت الفجوه بسيطة في حدود وقف خسارتي و تحليلي واضح ممكن اسمح بقليل من التذبذب مع مراقبة الزخم بداية الجلسة في بعض الاحيان السعر يرجع لاغلاق الفجوه مباشرة و يكمل في اتجاه الهدف ،اما لو كانت الفجوه كبيرة خارج نطاق المخاطرة الي محددها وقتها ممكن اتجه للتعديل ،بحيث اعيد تحليلي واحدد منطقة جديدة للدخول بحيث ادخل بصفقه ثانية واعدل نسبة المخاطرة ارجعها للحدود الي مستعد اخسره مثلا 2% مع تحديد وقف خسارة جديد ،هنا تقدر تستخدم فريم اكبر لتحديد وقف الخسارة الجديد و بتكون هذي الصفقه كانها صفقتين لو وصلت لوقف الخسارة اطلع منها كاني خسرت صفقتين متتالية فقط ،طبعا هذي خطة بديلة لمثل هذا السيناريو و ماينفع تستمر بالتعديل اذا اتضح ان السعر مكمل عكسك ،تقبل الخسارة وتطلع عشان ماتتعلق
هذا السلوك هو من ضمن المخاطر الغير متوقعه لاسواق المال و ممكن تحدث في اي وقت ومثل ماذكرت هي غير متكرره بشكل كبير ولكن لو ماكنت مستعد او مو حاسب مخاطرتك ممكن تخسرك جزء كبير من راس مالك
البعض كخطة لادارة المخاطر تحصلهم يغلقون كل الصفقات نهاية الاسبوع خصوصا تجنبا لأي سلوك غير اعتيادي ممكن يحصل مع الافتتاح الاسبوعي ولكن زي ماذكرت هذي خطة ،تتبعها لو كانت هذي ضمن خطتك
بعض الاحيان حتى لو كنت مفعل وقف الخسارة ولكن بسبب الفجوه وزخم البيع قد لايتنفذ الأمر ،الصراحة من خلال تجربتي صارت معي في بعض المنصات و بعض المنصات يتنفذ الامر على اعلى سعر ممكن ( الشباب اصحاب الخبرة ممكن يأكدون هذي المعلومة )
فبتحصلني في اغلب الاحيان لو الصفقه مطولة او مو قادر اتابعها بسبب انشغالي بحط امر ثاني اسفل وقف الخسارة كتأمين لو ماتنفذ وقف الخسارة لأي سبب يصير فيه مجال للخروج من الصفقه