بداية في التداول بشكل عام لازم نفرق بين التحليل و التنفيذ

التحليل يتم في منصات مخصصة تتيح أدوات وبيانات تساعد في التحليل مثل منصة تريدنج فيو او تكرتشارت او ميتاتريدر… 

التنفيذ الي هو الشراء والبيع بمعنى الدخول للسوق يلزم وسيط الي يربطك بالسوق والوسطاء يختلفون حسب السوق وحسب البلد,مثلا الاسهم ,بيكون فيه شركات وساطة هي الي عن طريقها يتم الشراء والبيع ومقابل الوساطة هذي تاخذ عمولات عن كل عملية ,البنوك كذلك أغلبها بيكون عندها شركات وساطة فالوسطاء ممكن يكونون شركات منفصلة أو تابعة لأحد البنوك.

في اسواق اخرى مثل الفوركس كذلك فيه وسطاء يمكنون من التداول في الفوركس وفيه وسطاء يدعمون أكثر من سوق ,ومهم البحث جيدا قبل اختيار الوسيط المناسب خصوصا من جانب الموثوقية والمصداقية وحصوله على التصاريح اللازمة ,ايضا من ناحية الخدمة والعمولة…

عشان تقدرين تداولين لازم اولا تفتحين حساب أو محفظة في وسيط يدعم السوق الي بتداولين فيه بعد كذا التنفيذ في الاصل يكون من خلال الوسيط وليس من خلال منصة التحليل ,ولكن بعض الوسطاء يمكن ربطهم بمنصات التحليل لتسهيل عملية التنفيذ من نفس المنصة الي يتم فيها التحليل ,مثلا ربط الوسيط بمنصة تريدنج فيو فيصير من خلال تريدنج فيو نقدر ننفذ اوامر الشراء والبيع ونقدر نستعرض تفاصيل الحساب كأننا في الوسيط نفسه

مثلا ربط تريدنج فيو ببعض وسطاء الاسهم او الفوركس او الكريبتو كربط دراية المالية بالنسية للسوق السعودي

او استخدام منصة ميتاتريدر الي تدعم عدد كبير من الوسطاء خصوصا بالنسبة للي يتداولون فوركس

او بالنسبة للسوق السعودي ربط برنامج تكرتشارت مع منصة دراية المالية او تريدستيشن للسوق الامريكي اوعدد من وسطاء البنوك المحلية

بالنسبة لتحويل مبلغ للحساب او المحفظة ,يكون عن طريق الوسيط مباشرة ,تواصلي مع الوسيط الي فتحتي فيه المحفظة وراح يعطونك طريقة ايداع وسحب المبالغ من والى المحفظة ,غالبا بتكون عن طريق رقم حساب بنكي مخصص للمحفظة يتم تحويل المبالغ له ومن ثم تتحول للمحقظة بعد كذا يمكن استخدامه للتداول..

2024-07-24 01:00:20

صراحة انا اعتمد في التحليل على اللابتوب لان شاشتو كبيرة فقط وحتى التحليل الفني عن طريق الهاتف سهل ايضا الي عليك انك تبدا تداول فقط ولا يهمك الجهاز هذا بالنسبة للفوركس والذهب اما الكريبتو فهي تحتاج لعدة شاشات

2024-08-14 20:35:59

بالألة الحاسة تحسب عدد النقاط واللوت امناسب لرأس المال 

2025-06-16 10:31:49

هلا بك 

الاستراتيجية اسمها hedging،او التحوط بوضع صفقتين متعاكستين

 تفتح صفقة وتحط صفقة انتظار في حال انعكس السعر يفتح العكس، فيه ناس تستخدمها بفعالية ولكن فيها مخاطرة لمن السعر مايكون في اتجاه او يدخل في تصحيح او يتذبذب في مسار عرضي وزي مانعرف ان السعر في اغلب الاحيان يتذبذب في مسار عرضي ،هذي هي نقطة ضعف الهيدج بحيث ان التذبذب بيخسر الصفقتين. 

ففكرة الهيدج كتقليل مخاطر تنفع فقط في الاوقات الي بيكون فيها السعر ماشي في اتجاه واضح مع مراعات تذبذب السوق ،بحيث يتم تأمين وقف الخسارة للصفقتين بناء على سبب فني قوي وواضح.

في المقابل في اوقات التذبذب العالي استخدام  هذي الاستراتيجية يزود المخاطرة..

2025-06-18 10:14:21

حياك الله 

نعم يوجد جروب تلجرام تعليمي للنقاشات والاستفسارات وايضا يوجد قناة تلجرام تعليمية ،تجد روابطها اسفل الصفحة، اضغط على حسابات التواصل الاجتماعي فيها كل الحسابات الرسمية للسهم الممتنع

اما بالنسبة لسؤالك عن افضل فريم ،يعتمد على طريقة تداولك والفريمات الي تناسبك ،ولكن بشكل عام بالنسبة للمضاربة الفريم اليومي لتحديد الاتجاه الرئيسي ومناطق الدعوم و المقاومات القوية و فريم 4 ساعات لتحديد النماذج و الانماط الفنية والتصحيحات وفريم ساعة لتحديد اشارات الدخول وتحديد وقف الخسارة بشكل افضل.بس بالنسبة للمضارب اللحظي الي يضارب على فريمات صغيرة الفريمات هذي ماراح تفيده لأن اذا يتداول على الدقائق مثلا ماراح ينفعه الفريم اليومي.

كقاعدة خذ الفريم الي تداول عليه، هذا هو الفريم الي يعطيك اشارات الدخول ،اضربه في نطاق من 3 ل 5 الى 6 يعطيك الفريم الاكبر الي تستخدمه لتحديد الانماط الفنية الاكبر مثل الترندات او وين واصل التصحيح مثلا ،اضربه كذلك من 3 ل 5 يعطيك الفريم الرئيسي الي تحدد فيه الاتجاه العام واهم الدعوم والمقاومات الي ممكن تواجهها على المدى القريب.

مثلا اذا تداول على فريم 5 دقايق اضربه في 3 يعطيك 15،يصير تستخدم فريم 15 دقيقة كفريم أكبر ،اضربه في 4 يعطيك الفريم الرئيسي الاكبر الي هو فريم الساعة ،كذا راح تقدر تكون رؤية اوضح لحركة السعر.

 مع العلم في التداول كلما كبر الفريم اصبحت الاشارات افضل واقوى،وراح اسوي فيديو لشرح الفريمات المتعددة اتناول فيها هذي النقطة بالتفصيل ان شاء الله.

2024-07-14 22:04:50

المضاربة على الثواني و الدقائق مخاطرها عالية جدا وليست خيار جيد للمبتدئين

ومع ذلك راح اشارك معك بعض التقنيات حسب خبرتي المتواضعة

ابحث عن مؤشر vwap لانه من اقوى المؤشرات اللحظية التي تضمن الفوليوم بالاضافة للسعر و له استخدامات كثيرة مثل طريقة استخدام المتوسطات المتحركة الا انه يختلف بحسابه الفوليوم وراح احاول اشرحه بالتفصيل قريبا ان شاء الله

ايضا مراقبة وقراءة عمق السوق وتدفق الاوامر (الاوردر فلو) ممكن تكون ادوات مساعدة حاول تبحث عن طرق استخداماتها وكيف تفيدك.

والاهم من هذا كله هو  ادارة مخاطر واضحة و الانضباط التام لأن في المضاربة اللحظية لاتعطي هامش لارتكاب الاخطاء و لافرصة لتصحيحها مثل الفريمات الكبيرة و الخطأ الواحد ممكن يكون له تكلفة كبيرة..

حاول كذلك تسجل وتتابع صفقاتك مهما كانت كثيرة لازم تتابعها وتقدر تراجعها لولزم الامر. 

بالتوفيق

2024-07-14 22:22:44

ليس جواب محدد ولكن أعتمد وراقب الدعوم والمقاومات وهذه كفيلة بتعليمك التصحيح وإنتهاءه

2025-06-16 10:21:22

نصيحة تعلم أولا , قبل إتباع توصيات 

2025-06-16 10:22:27