عليكم السلام

بالنسبة لفلتر السهم الممتنع لايوجد حد للأسهم الي تقدر تضيفها وتقدر تضيف اسهم من السوق الامريكي و السعودي مع بعض بس تنتبه في حال بتستخدم التنبيهات راح تصير التنبيهات مزعجة 

بالنسبة لاشارة الخروج ،حاليا المتاح في الفلتر هو فلترة واحدة لعدة معايير تقدر تخليها لحالة واحدة للدخول او الخروج ،مستقبلا راح يتم اتاحة اكثر من فلترة بحيث تسوي كذا فلترة 

بالنسبة لمنصة تريدنج فيو ،انت كمتداول شوف ايش الي تحتاجه ،الاشتراك فيه شغلات ممكن تحتاجها مثل البيانات التاريخية وتقسيم الشاشة وعدد اكبر من المؤشرات على الشارت والتنبيهات وشغلات اخرى ،اذا انت تحتاجها الاشتراك مفيد في هذي الحالة موخسارة فيها

بالنسبة لمنصة سهم تواصل معهم وتأكد من العمولة لأن اتوقع انهم خفضو العمولة بس مومتأكد هل على الجميع او بس المشتركين الجدد

بالنسبة للباكتست عموما مهم قبل تبدى في اي استراتيجية ،لازم تسوي باكتست على نفس السهم و الفريم ،الباكتست الآلي تبع تريدنج فيو خطوة اولية عشان تحدد افضل الاسهم مثلا او افضل وقف خسارة او هدف ،بس بعدين لازم تختبر يدوي ،لأن بالنسبة لي اختبار تريدنج فيو مايعطيني البيانات كلها عشان اكون صورة كاملة عن الاستراتيجية

فممكن تستخدمه مبدئيا عشان تاخذ فكرة عن اداء الاستراتيجية مقارنة بعدد كبير من الشركات او الفريمات بعدين تستخدم الباكتست اليدوي نتائجه افضل وأدق

2026-03-29 04:48:24

نعم تقدر تستخدم الترند زي ماهو حتى لو تم اختراقه و الرجوع مره اخرى لأن الترند دامه واضح على الشارت هو عبارة عن دعم/مقاومة

اذا كان الاختراق سريع ورجع هذا اختراق كاذب اما اذا السعر اخترق وتداول لفتره اعلاه فهذا سلوك سعري نعتبره ولكن لايؤثر على الترند نفسه 

نفس فكرة القنوات السعرية ،يمكن السعر يخترق القناه ويتداول اعلاها في قناه ثانية مكرره واذا رجع مره ثانية للقناة الاولى نتعامل مع سقف القناه كمقاومة وقاع القناه كدعم

فاختراق الترند او كسره ثم الرجوع لايؤثر على الترند مستقبلا كدعم او مقاومة

2026-03-29 04:57:53

لا يوجد جواب !!

2026-02-19 21:04:48

نعم احيانا اخر قمة او قاع تكون بعيدة والنتيجة الهدف يكون بعيد ويصعب تحقيقه او انه يعطي نسبة مخاطرة للعائد غير مجدية

هذا غالبا ممكن يكون بسبب دخول متأخر لأن لو كانت الاستراتيجية تعتمد على وقف الخسارة في اخر قاع،هنا الاستراتيجية لازم تعطي دخول قريب من القاع،عشان كذا حتى وقف الخسارة يتم تحديده بالتناسب مع الاستراتيجية وين اعطتك اشارة الدخول ،لان فيه استراتيجيات تعطي اشارة الدخول وسط موجة مثلا بسبب أي معيار ،مثلا اختراق متوسط ،هنا المكان المناسب مو هو اخر قاع لأن آخر قاع بيكون بعيد في بداية الموجة،فالافضل وقف الخسارة يكون المتوسط نفسه
لكن اذا كانت اغلب صفقاتك مناسبة كوقف خسارة و المشكلة هذي فقط في بعض الصفقات ،افضل حل هو انك ماتاخذ هذي الصفقات الي يكون فيها وقف الخسارة بعيد لعدم جدواها من منظور ادارة المخاطر

2026-03-29 05:11:57

سؤالك بالضبط عن كيف المتداول يحافظ على نسبة المخاطرة الي حددها بالضبط في حال ان بيانات الصفقه خصوصا وقف الخسارة اعطانا نسبة اقل.

طبعا الامثلة واضحة ،المثال الاول مبلغ الدخول الي يعطي نسبة مخاطرة 2% اقل من راس المال وهذا هو المطلوب تدخل ب 8000 وفي حال الصفقه خسرت انت خسران 2% فقط من راس المال ككل

ولكن المثال الثاني بناء على وقف الخسارة ،مبلغ الدخول يحتاج يكون اكبر من راس المال عشان تخسر 2% في حال الصفقه خسرت ،وهذا بالضبط ليش الحسبة اعطتك مبلغ دخول ضعف راس مالك لأن انت تبحث عن مخاطرة 2%،وهذا يعني كذلك انك لو دخلت براس مالك بالكامل نسبة المخاطرة راح تكون فقط 1% تقريبا 

طيب الحين السؤال ،هل دامك حددت نسبة مخاطرة 2% ،لازم تلتزم بها بالضبط في جميع الحالات ؟

نعم نلتزم بنسبة المخاطرة بحيث مانخاطر باكثر منها هذا هو الاهم ،ولكن لامانع انه احيانا نخاطر باقل ،يعني لو انت ضبطت نسبة مخاطرة حسابك على 2% وجاتك بعض الصفقات نسبة المخاطرة فيها اقل من 2% تبقى صفقات مقبولة تقدر تاخذها من حين للآخر وهذا بينعكس على نسبة المخاطرة الاجمالية للحساب مع الوقت ،مع ملاحظة ان ماتقل نسبة المخاطرة عن 1% بشكل كبير لأن كذا بتصير الصفقه غير مجدية بالنسبة للعائد.

يعني في الحالات الي بتحصل فيها مبلغ الدخول اكبر من راس مالك بكل بساطة هذا يعني انك مجبر تقلل نسبة المخاطرة في هذي الصفقه وبالتالي مبلغ الدخول بيكون هو راس المال بالكامل مع نسبة مخاطرة اقل 

بس اذا انت منضبط بنسبة مخاطرة ثابته لاتقبل باقل منها الحلول المتاحة هي انك تبحث عن فرص اخرى تتيح نفس نسبة المخاطرة او انك تبعد وقف الخسارة اذا كان فيه سبب فني اقوى وكنت تعتمد وقف خسارة قريب جدا هذا بيقلل مبلغ الدخول مباشرة ويعطي الصفقه مساحة اكبر دامك في حدود نسبة المخاطرة الي اخترتها

في حال كنت تداول سكالبنج او كان عندك حد للمخاطرة اليومية او الاسبوعية او الشهرية ،تقدر تحقق نسبة المخاطرة من خلال اكثر من صفقه ،مثلا صفقتين ،يعني تدخل الصفقه الاولى ب 1% واذا اغلقتها تدخل في صفقه ثانية كذلك ب 1% وتعتبر مخاطرة الصفقتين كنسبة مخاطرة يومية الي هي 2% . او الي يستخدم ال DCA كذلك ممكن يستخدم مجموع المخاطرة بحيث تكون ضمن مخاطرة الحساب.

هذا الشي راجع لك وحسب طريقة ادارتك لتداولك،الاهم هو انك ماتتعدى نسبة المخاطرة المحددة.

2025-09-20 21:04:32

تجدها في المتابعة في القائمة أعلى يسار صفحة الاختبار 

2025-09-16 18:18:39

سؤالك ممتاز جدا لأن فعلا الباكتست في سوق مفتوح يختلف عن الباكتست في سوق محدود

الهدف من الباكتست هو محاكات التداول الفعلي والحصول على بيانات واحصائيات قريبة من التداول الفعلي ولكن اذا كان السوق مفتوح 24 ساعة مثل الفوركس او الكريبتو هنا بيصير فيه عامل مهم بيلتغي من المعادلة وهو ان طريقة تسلسل الصفقات في الاختبار وسلوك عمل الاختبار راح يختلف بشكل كبير عنه في التداول الفعلي بسبب استحالة أخذ جميع الصفقات خلال ال 24  (الا اذا كان فيه تداول آلي)

بس الشخص مستحيل أنه يداوم 24/7 في السوق ويتداول جميع الاشارات بالضبط هذا الشي بيغير النتائج بشكل دراماتيكي لو أنه أختبر جميع الصفقات متتابعة.

هدف الباكتست هو محاكات التداول الفعلي عشان كذا لازم يحاكي اسلوبك وطريقة تداولك والاوقات الي بتكون متواجد فيها ,كذا راح تكون النتائج قريبة من الواقع ,كل شخص يتداول بيصير عنده روتين معين وأوقات معينة مع الوقت راح تتحول لأنماط محددة ,أنت الي يفيدك هو انك تعرف أداء الاستراتيجية في هذي الانماط ,الفكرة هي أنك تحاول تخلي الباكتست نفس أسلوبك في التداول الحقيقي عشان يعكس أدق أداء للاستراتيجية لمن تستخدمها باسلوبك وهذي النقطة دائما أأكد عليها في مقاطع الاختبارات (لازم يكون اختبار اي استراتيجية في نفس السوق ونفس الفريم وبنفس أسلوب التداول لكل شخص)

2025-09-14 19:10:29